ابڙو اڪيڊمي Abro Academy
2020-07-05
داخلا نمبر 451
عنوان صحرائي لومڙ (اڇي پڇڙي وارو)
شاخ مماليه
پڙهيو ويو 730
داخلا جو حوالو:
صحرائي لومڙ (اڇي پڇڙي وارو) Desert fox (Red fox) / Vulpes vulpes /
صحرائي لومڙ (اڇي پڇڙي وارو) Desert fox (Red fox) / Vulpes vulpes /
صحرائي لومڙ (اڇي پڇڙي وارو)
30 کان 35 انچ جسامت واري هن صحرائي لومڙ جو پڇ فٽ کان ڏيڍ فٽ جو هوندو آهي، اهو آسٽريليا، ايشيا، يورپ ۽ اتر آمريڪا جي صحرائن، ٻيلي ۽ جبلن ۾ جتي ڪٿي ٿئي ٿو. ان جي پٺي ۽ پڇ جو رنگ ڳاڙهو سرمائي يا ڳاڙهي کان سرمائي تائين هوندو آهي. پڇ ٿلهو بُجدار ٿئيس ٿو، جنهن جي چوٽي اڇي هوندي آهي.
صحرائي لومڙ جوڙيءَ ۾ ۽ چرون ٺاهي رهي ٿو. رات جو نڪرندو آهي، جيت، نانگ ۽ ڪوئا سندس خاص شڪار آهن، اڪثر پکي ۽ سها به ماري کائيندو آهي. رات ۽ ڏينهن شڪار جي کوج ۾ رهي ٿو، ڪي ميوا به کايو وڃي، مادي پيٽ ۾ 50-55 ڏينهن ٻچو رکي ٿي ۽ ھڪ وقت ۾ ٽن کان ٻارهن ٻچا ڏئي ٿي.
لومڙ شڪار جو پيڇو ڪري ان کي ٿڪائي ٿڪائي ماريندو آهي ۽ پوءِ ان کي وات ۾ کڻي ڪنهن محفوظ جاءِ تي ويهي کائيندو آهي. بچيل گوشت لڪائي دٻائي ڇڏيندو آهي ۽ پوءِ ياداشت جي سهاري ڳولي ڪڍي کائيندو آهي، ھي لومڙ سڄي دنيا ۾ خاص ڪري ٿڌن ملڪن ۾ پنهنجي نرم پشم سبب گهڻو شڪار ٿئي ٿو. ھيءُ لومڙ به ماحول : 3 سان تعلق رکي ٿو.